PAGSAULOG: PAGLAMBO SA MGA PULONG SA CAWAYAN

By DEBESMSCAT- Cawayan Campus Staff Writers

March 03, 2026

Ang Munisipyo sa Cawayan—giila nga “Crab Capital” anaa sa piltahan padulong sa Visayas region, dili lang abunda sa nagkalain-laing bahandi apan usab sa panitikan sama sa katatapos na selebrasyon sa National Arts Month niining miaging Pebrero na may tema nga “Ani ng Sining: Katotohanan at Giting” (Harvest of the Arts: Truth and Courage), ang Dr. Emilio B. Espinosa, Sr. Memorial State College of Agriculture and Technology (DEBESMSCAT) – Cawayan Campus nag-ani sa bunga sa ilang mapamugnaong hinaguan.

Ang Cawayan, nga ginganlan gikan sa lig-on nga kawayan nga mabawog apan dili mabali, usa ka dapit nga gihulagway sa kadagatan ug yuta. Pero sa kadaghanan ilado kini na abunda sa agrikultura, kahayupan ug tinubdan sa bahandi sa dagat sama sa kinhason, isda, lambay ug pasayan. Ang identidad sa Cawayan lalom usab nga nag-ugat sa “Giting” (kaisog) nga gipakita sa mga manunulat niini atol sa OBRA Masbateño 2026 Literary Arts Exhibit.

Gikan sa sitenta y tres (73) ka entries nga gisumite sa tibuok Masbate, pipila ka piniling mga obra gikan sa kampus ang napili para sa halangdon nga trenta ka piyesa nga gi exhibit sa Gaisano Capital Masbate, uban ang kinatibuk-ang disesais (16) nga gidawat ug karon gipakita online sa Masbate Provincial Tourism Culture and Arts Office.

Ang “Kamatuuran” sa kasinatian sa mga Cawayanon klaro kaayo nga napakita sa koleksyon karong tuiga. Ang baybayon nga kabilin ug ang paningkamot sa atong komunidad sa pangisda mao ang kasingkasing sa mga obra sama sa “Pangingisda” (Concrete Poetry) ni Kimberly L. Cumayas, nga nagpakita sa kinabuhi ug mga pangandoy sa usa ka komunidad sa paralawod. Ang “Labor Poetry” ni James Abonales (“Isda sa Kadagatan”) ug Joshua Pradilla (“Panagat”) nagpasidungog sa lisud nga paningkamot sa mga paralawod ug sa mga sakripisyo sa iyang amahan na paralawod.

Ang katahum sa heograpiya sa Cawayan gisaulog pinaagi sa “Pastoral Lyricism,” diin ang “Gininhawa sa Uma ug Baybayon” ni Angelica D. Lauron ug ang “Isla” ni Angel Molles nagsilbi nga pasidungog sa kultura ug paglahutay sa atong mga isla. Samtang si Judy-ann G. Betache (“Sa Huni san Balod sa Cawayan”) ug Marjorie Sinadjan (“Garbo sa Kaliwat”) naghatag og “Regional Lyrics” nga nagpadayag sa talagsaong ritmo sa kasingkasing sa lungsod.

Subay sa nasudnong tema, gipakita sa atong mga manunulat ang kaisog sa pagtan-aw sa kalibog sa kinabuhi sa lungsod ug sa mga trabahante. Si Rose Jean P. Dalauta naghalugway sa adlaw-adlaw nga paningkamot sa mga tindera og tikab, mga paralawod, ug mga drayber sa iyang obra nga pagpanan-aw sa tinuod nga kahimtang sa katilingban, “Ang Namaligya og Kinhason, Mananagat og Driver”. Kini nga kaisog makita usab sa “Hain na?” ni Kesia Mangubat, usa ka mabination nga pagtan-aw sa mga napakyas nga saad, ug sa “Inspirational Realism” sa “Sakripisyo” ni Greenly Morales ug “Balde” ni Rose Mariel B. Pepito, nga nagpasundayag sa kabug-at sa kapobrehon nga may garbo ug dungog.

Ang mga empleyado sa kampus nagpahugot usab sa tema sa koleksyon. Ang “Dunong sa Dulom” ni Dr. Cesar D. Almonicar, Jr. nagpasabot sa kusog nga kausaban nga dala sa edukasyon bisan sa kalisod, samtang si Christine Jane Rosas Antonio nagtanyag og didaktikong panan-aw sa kinabuhi ingon usa ka panaw sa “Ang Tundaan”. Aron hatagan og lig-on nga pagtapos sa koleksyon, si Roger Jr. Atibagos Pautan nagpresentar og kusgan nga “Allegorical Social Critique” sa iyang “Sa Burak san Lamparilya,” ang gibuhat na sining, usahay, kinahanglan nga mosunog aron ang kamatuoran motungha sama sa siga nga naglamdag sa kangitngit sa kalibutan.

Gisaulog nato ang komunidad sa DEBESMSCAT nga lig-on sama sa kawayan nga gisundan niini ug dato sama sa kadagatan sa Cawayan. Kini ang atong ani; kini ang atong kamatuuran.

Our Student Contributors: